တလောက အင်တာနက်သတင်းတွေ ဖတ်ကြည့်ရင်း ဖတ်မိတဲ့သတင်းလေးတစ်ပုဒ်က ဘီဘီစီအဂ်လိပ်သတင်းပါ။ သတင်းခေါင်းစဉ်က “Flatulence joke is world’s oldest” တဲ့။ လေလုံးထွားတဲ့ ဟာသပြက်လုံးက ကမ္ဘာ့သက်တမ်းအရင့်ဆုံးဖြစ်တယ်တဲ့။
ဒီလိုပြောလို့ ကျွန်တော့်ကို အထင်ကြီးမသွားပါနဲ့။ ဒီစာကြောင်းတစ်ကြောင်းကို နားလည်ဖို့ အဘိဓာန်စာအုပ်လည်း လှန်ရတယ်။ အဂ်လိပ်ဆရာတွေဆီလည်း မေးကြည့်မိတယ်။ ဒီနေရာမှာ Flatulence က နာမ်ပုံစံပါ။ Flatulent ကတော့ နာမ၀ိသေသနပုံစံဖြစ်ပြီး၊ လေပွသော၊ ၀မ်းဖောဝမ်းရောင်ဖြစ်သော ဆိုတဲ့ အနက်အဓိပ္ပါယ်ရှိပါတယ်။ မနှစ်လိုတဲ့သဘော၊ အထင်သေးတဲ့သဘောမျိုးဆိုရင်တော့ Flatulence နဲ့ Flatulent ကလေလုံးထွားခြင်း/သော လို့ အနက်ဖွင့်ပါတယ်။ Flatulent boasts အသုံးအနှုန်းက လေလုံးထွားတဲ့ကြွားဝါခြင်း/ အကြွားပေါ့။
သတင်းထဲမှာ ပညာရှင်တွေက သက်တမ်းအရင့်ဆုံးပြက်လုံး(gag)ကို စာရင်းပြုစုခဲ့ကြပါတယ်။ အဲဒီထဲမှာ ရှေးအကျဆုံးက ခရစ်တော်မပေါ်မီခေတ် ဘီစီ ၁၉၀၀ လောက်ရှေးကျပါတယ်။ အဲဒါက အခုအီရတ်တောင်ပိုင်းဒေသဖြစ်တဲ့ ဆူမားရီးယန်း (Sumerian) တွေရဲ့စကားပုံတစ်ခုပါ။
စကားပုံပြက်လုံးက ဒီလိုပါ။ “Something which has never occurred since time immemorial; a young woman did not fart in her husband’s lap” တဲ့။ အဓိပ္ပါယ်ကတော့ “ဟိုးရှေးပဝေသဏီကတည်းက တစ်ခါမှမဖြစ်ပျက်ခဲ့ဖူးတဲ့အရာတဲ့။ မိန်းမပျိုတစ်ဦးကတော့ သူ့ခင်ပွန်းယောက်ျားရဲ့ ပေါင်ပေါ်မှာ လေမလည်ခဲ့ပါဘူး” ဆိုတာပါပဲ။
ဒီကိစ္စနဲ့ပက်သက်လို့ သတိပြုမိတာကတော့ ယောက်ျားလေး မိန်းကလေးတွေ သမီးရည်းစားဘ၀မှာ တစ်ယောက်နဲ့တစ်ယောက် ဟန်ဆောင်ဖုံးကွယ်ထားကြတဲ့ သဘာဝရှိတယ်။ တစ်ဖက်သားမကြိုက်မှာစိုးလို့ လိမ်ညာပြောဆိုတာမျိုးလည်းရှိတတ်ပါတယ်။ ဥပမာ - မနက်က ပဲကြီးဟင်းစားခဲ့မိလို့ ၀မ်းပွလာပြီး လေလည်ချင်တယ်ဆိုပါစို့။ အောင့်ထားမိပြန်ရင်လည်း ကျန်းမာရေးထိခိုက်မယ်။ ကဲ..ဘယ်လိုလုပ်မလဲ။ စကားရွှန်းရွှန်းဝေအောင်ပြောပြီး၊ အပေါ်လေနဲ့ အောက်လေရောလွှတ်လိုက်တာမျိုး။ ဒါမှမဟုတ် တင်ပလ္လင်လေးချိတ်ပြီးတော့ ငြိမ်ငြိမ်လေးထိုင်နေတာမျိုး။ တစ်ခုခုတော့ ဟန်ဆောင်လုပ်ကိုင်မိမှာပါ။ ဒါပေမယ့် သားသမီးထွန်းကားပြီး ဖြစ်တဲ့ လင်မယားဘ၀မှာဆိုရင်တော့ ဘယ်ဟုတ်မလဲ။ ဟိုဘက်တပ်ဖွဲ့၊ ဒီဘက်တပ်ဖွဲ့ ပြိုင်ဆိုင်ပြီး အမြှောက်ထုတော့မှာပေါ့။ ဟုတ်တယ်ဟုတ်။
စောစောက ဟာသပြက်လုံးတွေအကြောင်း ပြန်စရအောင်ဗျာ။ ရှေးအကျဆုံးဗြိတိသျှ ပြက်လုံးက ၁၀ ရာစုလောက်အထိ နောက်ပြန်ကောက်နိုင်ပါတယ်။ အင်ဂလို-ဆက်ဇမ်အမျိုးသားတွေကို လှောင်ပြောင်ထားတဲ့အနေနဲ့ အမေးအဖြေပုံစံမျိုးဟာသလုပ်ထားတာပါ။
တစ်ခုလောက်ပြောပြမယ်။ “What hangs at a man’s thing and wants to poke the hole that it’s often poked before?”
“ယောက်ျားတစ်ယောက်ရဲ့ ပေါင်တံမှာ တွဲလောင်းကျနေပြီး အရင်ကမကြာခဏ အထိုးခံထားရတဲ့ အပေါက်ကိုထိုးချင်နေတဲ့ဟာက ဘာလဲ”တဲ့။ ခဏလောက်စမ်းကြည့်ပါ။ အဲဒါဉာဏ်စမ်းပဟေဠိတစ်ခုပေ့ါ။ ကဲ.. ရပြီလား။ အဖြေကတော့ သော့တစ်ချောင်း (A Key) ပါတဲ့။
ဒီလိုဟာသမျိုးတွေကို ဦးဆောင်လေ့လာသုတေသနပြုနေတဲ့သူကတော့ University of Wolverhampton က ဒေါက်တာ Paul Mc. Donald ပါ။ သူပြောပြထားတဲ့ နောက်ထပ်ပြက်လုံးတစ်ခုကတော့
“How do you entertain a bored pharoah?”
“ပျင်းရိနေတဲ့ ရှေးအီဂျစ်နိုင်ငံဘုရင်တစ်ပါးကို ဘယ်လိုဖျော်ဖြေမလဲ” တဲ့။
အဖြေက… “Sail a boat load of young women dressed only in fishing nets down the Nile… and urge the pharaoh to go fishing”
“ငါးဖမ်းပိုက်တွေသာ ၀တ်ဆင်ထားတဲ့ မိန်းမပျိုတစ်လှေစာကို နိုင်မြစ်ကြီးကို စုန်ဆင်းပြီး ရွက်လွှင့်ခိုင်းလိုက်ပါ။ ပြီးတော့ ဖာရိုးဘုရင်ကြီးကို ငါးဖမ်းထွက်ဖို့ တိုက်တွန်းလိုက်ပါတယ်” တဲ့ဗျာ။
No comments:
Post a Comment