“သတိ..ငါးမမျှားရ”
“သတိ..စုံတွဲများမထိုင်ရ”
ထိုဆိုင်းဘုတ်မျိုးကို သင်တွေ့ဖူးလောက်မည်။ ဒါဆိုရင် အဘယ်ကြောင့် ငါးမမျှားခိုင်းသည်။ အဘယ်ကြောင့် ဒွိယံမထိုင်သင့်သည်ကို သင်ဆက်စပ်၍တွေးပေလိမ့်မည်။ ဤကား ထိုဆိုင်းဘုတ်ကလေး၏ နောက်မှ ကပ်ပါလာသော “ ပဲ့တင်သံ ” ပင်။ ထို့ကြောင့်ဆိုင်းဘုတ်တစ်ခုတွေ့တိုင်း တွေ့သူက ပဲ့တင်သံကိုနားထောင်၍ သုံးသပ်လိုက်နာကြသည်။ တချို့ကဆိုင်းဘုတ်ကိုစာဖြင့်မရေး၊ သင်္ကေတများဖြင့်ပြသည်။ ရေကူးပုံကို မျဉ်းဖြတ်၍ရေမကူးရ။ မျဉ်းကောက်ကလေးတစ်ချောင်းဆိုလျှင် ရှေ့မှာကွေ့ရှိသည်။ ကလေးငယ်ပုံတွေ့ရင် ရှေ့မှာကျောင်းရှိသည်။ ဤသည်တို့ကိုမြင်လျှင် ရေမြင်ပါလျှက်မကူးကြတော့ ။ အရှိန်နှင့်မောင်းလာသောကားများ အရှိန်လျှော့ကြသည်။ ယင်းကား ဆိုင်းဘုတ်ကလေးတွေနောက်မှာ ကပ်ပါလာသော ပဲ့တင်သံကိုကြား၍ပင်ဖြစ်သည်။ ယင်းပဲ့တင်သံကို မသိကျိုးကျွံပြုသူများသည် တစ်စုံတစ်ရာသောအန္တရာယ်နှင့်တွေ့ကြသည်။ ဒါကြောင့် ဆိုင်းဘုတ်တစ်ခုကို တွေ့တိုင်း ကျွန်တော်ကတော့ ပဲ့တင်သံကိုနားထောင်ဖြစ်သည်။
“ကြက်သား ကာလသားချက်၊ အ၀စား ၁၅၀၀”
ရှင်းသည်။ ကြက်သားကာလသားချက်ကို အဓိကထား၍ ထမင်းရောင်းချသည်။ ကြိုက်သလောက်စားလို့ရသည်။ လူတစ်ယောက် ထောင့်ငါးရာနှုန်း။ ကလေးလည်း ထောင့်ငါးရာ၊ လူကြီးလည်း ထိုနှုန်းအတိုင်းပင်။
“ကြိုက်သလောက်ခြစ်၊ မဖြုတ်ရ”
လက်ဖက်ရည်ဆိုင်တစ်ဆိုင်၏ မီးခြစ်နှင့်အတူ ချိတ်ဆွဲထားသော ဆိုင်းဘုတ်ပင်။ ပဲ့တင်သံကလေးက အူယားစရာ။ ဒီလိုချစ်ဖို့ကောင်းတဲ့ ဆိုင်းဘုတ်တွေရှိသလို အမြင်ကပ်ဖို့ကောင်းတဲ့ ဆိုင်းဘုတ်တွေလည်း ရှိတယ်။
“ထမင်းကျွေးသောလက်ကို ပြန်မကိုက်ပါနှင့်”
တာဝန်သိသိ၊ သစ္စာရှိရှိဆိုသော စကာလေးကို ကြားယောင်ရင်း ရွံရှာသောစိတ်ပင်ပေါ်စေသော ဆိုင်းဘုတ်ပင်။ ယင်း၏ ပဲ့တင်သံက ဘယ်လိုတွေးတွေး စိတ်ချမ်းမြေ့စရာမရှိ။ သူ့ဝန်ထမ်းရမည်ကိုပင် လန့်မိပေသည်။
“ကြိုက်သလောက်စား၊ ကျသလောက်ရှင်း”
“ကြိုက်သလောက်ပြော၊ ကျသလောက်ရှင်း”
ထမင်းဆိုင်နှင့် တယ်လီဖုန်းရုံးကလေးများတွင် တွေ့ရတတ်သော ဆိုင်းဘုတ်များ။ လက်မခံချင်စရာ အကြောင်းလုံးဝ မရှိ။ သဘောလည်း ကျပါသည်။ ပွင့်လင်းလွတ်လပ်လွန်းလှသည်ဟုလည်း တွေးမိသည်။
“တစ်ခွန်းဈေး”
“၀ယ်ပြီးပစ္စည်း ပြန်မလဲပါ”
စတိုးဆိုင်မှာ တွေ့ရတတ်သော ဆိုင်းဘုတ်များပင်။ ဒါမျိုးကျတော့ မြန်မာလူမျိုး စရိုက်နှင့် မကိုက်ချင်လှ။ မိမိတို့လူမျိုးစရိုက်က ဈေးဆစ်ချင်သည်။ အဆစ်တောင်းချင်သည်။ အမြည်းကျွေးသော မန္တလေးထိုးမုန့်ကိုလည်း သဘောကျသလို။ မုန့်ဟင်းခါးစားရင်တောင် ဟင်းရည်ကလေး အဆစ်သောက်ရသည်ကို ကျေနပ်ကြတဲ့လူမျိုးပါလား။ “အချင်းချင်းဆိုတော့ အရှုံးခံလိုက်မယ်။ ကဲကဲ။ လျှော့ပေးသွား” ဆိုလျှင် ဟုတ်သည်ရှိ၊ မဟုတ်သည်ရှိ ထိုဆိုင်ကိုသဘောကျကာ ဆိုင်ရှင်ကိုလည်း တစ်သက်လုံးကျေးဇူးတင်ကြသည်။ ဒီကြားထဲ ကံ ကံ၏အကျိုးကို ယုံကြည်သော မြန်မာလူမျိုးများဖြစ်ပေရာ ကံစမ်းမဲပါသည်ဆိုပါက ရွှေဆိုင်လည်း မျက်နှာပွင့်သလို အရက်ဆိုတာကိုလည်း မက်မက်စက်စက် သောက်ကြသည်။
“ကျား”
“မ”
အများပြည်သူဆိုင်ရာ အဆောက်အဦးများတွင်တွေ့ရလေ့ရှိသော ဆိုင်းဘုတ်ငယ်များပင်။ ရှင်းသည်။ မှားဝင်လျှင် ကိုယ့်ထိုက်နဲ့ ကိုယ့်ကံပင်။ ကျွန်တော်ဆို ငယ်ငယ်က ရုပ်ရှင်ရုံတစ်ခု၏ “မ”ခန်းထဲသို့ အဒေါ်နှင့်အတူလိုက်၍၀င်ဖူးသည်။ (ကြွားစရာမရှိတော့လည်း ဒါပဲထည့်ကြွားရတာပေါ့) အမှန်က မှောင်လွန်းသော အခန်းရှေ့မှာ “ကျား”ဟူသည့် ဆိုင်းဘုတ်ကိုလန့်ပြီး အဒေါ်နောက်လိုက်သွားခြင်းဖြစ်သည်။ မူလတန်းအရွယ် ကျွန်တော့်ကို တခြား “မမ”တို့က မျက်စောင်းခဲခြင်း ခံခဲ့ရသည်။ ဤသည်မှာ ပဲ့တင်သံကို စတင်ခံစားမိခြင်းဖြစ်သည်။
ဒဂုံမြို့ဘက်ရှိ အိမ်တစ်အိမ်သည် လုပ်ငန်းစုံသည်။ ထိုအိမ်ရှေ့တွင် လုပ်ငန်းစုံအတွက် ဆိုင်းဘုတ်ကြီးတစ်ခုထောင်ထားသည်။ ယင်းဆိုင်းဘုတ်မှာ…
“သဲရမည်”
“တောင်မြေရမည်”
“အုတ်ရမည်”
“ရွှေပန်းမျိုးသန့်သန့်ရမည်”
လုပ်ငန်းရှင်သည် ဆောက်လုပ်ရေးအတွက် သဲ၊ ရိသာ ခေါ် တောင်မြေနှင့် အုတ်ခဲအပြင် ရွှေပန်းကိုလည်း မျိုးသန့်သန့်ပွား၍ ရောင်းချနေသူဖြစ်ကြောင်း ပဲ့တင်သံမှတစ်ဆင့်သိနိုင်သည်။ သို့သော် လုပ်ငန်းရှင်မှာ အပျိုကြီးညီအမဖြစ်နေသောကြောင့် အချို့က အတွေးချော်ရင်း တခွိခွိရယ်သည်။
“ဘာကြောင့်ရပ်ရပ်၊ လမ်းဘေးချရပ်”
“ဗို့အား ၁၅၀၀”
“ဟွန်းသံကင်းမဲ့ဇုန်”
“ဆူညံခြင်းသည်းခံပါ”
“အလှူခံမလာရ”
ထိုဆိုင်းဘုတ်များမှလည်း ကျေးဇူးတင်သော၊ အန္တရာယ်ရှိသော၊ သတိချပ်သင့်သော၊ ဆင်ခြင်သင့်သော ပဲ့တင်သံများနှင့် အမြင်ကတ်သွားသော ပဲ့တင်သံများပင်ရရှိတတ်သည်။
မည်သို့ပင်ဖြစ်စေ စကားလုံးကျစ်လစ်သော ဆိုင်းဘုတ်ကလေးတိုင်း အတွေးပွားစရာ ပဲ့တင်သံများ အသီးသီးရရှိနိုင်သည်။ ရယ်မောဖွယ်၊ တက်ကြွဖွယ်၊ ထိတ်လန့်ဖွယ် ပဲ့တင်သံများကို ပေးရင်း နေရာအသီးသီးတွင် ဆိုင်းဘုတ်ကလေးများကတော့ နေရာယူလာပြီဖြစ်သည်။
နောက်ဆုံးအနေနဲ့ ကွမ်းယာဆိုင်ကလေးတစ်ခုမှာ ချိတ်ဆွဲထားတဲ့ ဆိုင်းဘုတ်ကလေးတစ်ခုကို ပြောပြချင်ပါတယ်။ ဆိုင်ရှင်က မြေဖြူဖြင့်သာ ရေးထားသော ဆိုင်းဘုတ်ကလေးဖြစ်ပြီး စာဖတ်သူရော ဆိုင်ရှင်ပါ မည်သို့ပဲ့တင်သံမျိုးထွက်ကြောင်း သိနိုင်ပါသည်။ သို့သော် ယင်းဆိုင်းဘုတ်ရေးဆွဲပြီးနောက် ရောင်းဝယ်ရေး ပိုမိုတိုးလာ၍ အဆိုပါကွမ်းယာဆိုင်ကလေးသည် ကုန်စုံရောင်းသော အဆင့်သို့ တစ်နှစ်အတွင်းရောက်လာသည်။ ယင်းအတွက် ဆိုင်ကို ချဲ့ထွင်သလို ဆေးသုတ်ခြင်းများပါ ဆိုင်ရှင်ကပြုသည်။ သို့သော် အဆိုပါဆိုင်းဘုတ်ကလေးမှာမူ မြေဖြူရောင်မှိန်မှန်ကလေးနှင့် ရှိနေမြဲပင်။
ဆိုင်းဘုတ်ကလေးမှာ….
“ကျွန်တော်မလှူနိုင်သေးပါ..
လှူနိုင်သောနေ့တွင် သင့်ကိုဖိတ်ကြားပါမည်”
No comments:
Post a Comment