အလွမ်းဇာတ်

ကျွန်တော် blog ရေးလာတဲ့ သက်တမ်းတစ်လျှောက်မှာ အလွမ်းစာတွေ ရေးတာနည်းပါတယ်။ အမှန်အတိုင်းပြောရရင် အဲဒီလိုရေးဖို့ကိုလည်း အားမသာပါဘူး။ ကျွန်တော်က အပြင်မှာ ပျော်ပျော်နေတတ်သလိုပဲ blog ရေးတဲ့အခါမှာလည်း ပေါ့ပေါ့ပါးပါး ပျော်စရာလေးတွေပဲ မေးမိတယ်။ အခုတော့… ဒီဇာတ်လမ်းကိုရေးမယ်။ ဒီလိုရေးရတာကလည်း ကျွန်တော် သိရသလောက် အလွမ်းဇာတ်၊ ကြေကွဲဖွယ်ဇာတ်လမ်းတွေထက် ဒီဇာတ်လမ်းက ပိုခံစားရမယ် လို့ကျွန်တော်ထင်တယ်။ ဒီဇာတ်လမ်းကို ဖြစ်ရပ်မှန်လို့ ယုံချင်လည်း ရပါတယ်။ မဖြစ်နိုင်ဘူးလို့ လက်ခံထားချင်လည်း ရပါတယ်။ ဒါပေမယ့်.. ကျွန်တော်ကတော့ ဒီဇာတ်လမ်းကို သူငယ်ချင်းတို့သိအောင် ရေးပြလိုက်ပါပြီ။ ။
စာမျက်နှာ (၁)
          ဒီနေ့ ကျွန်မတို့ကျောင်းကို ကောင်လေးတစ်ယောက်ပြောင်းလာတယ်လေ။ အရမ်းချောတာပဲ သိလား။ နှာတံလေးကိုကလည်း စင်းလို့။ အရပ်ကလည်း မြင့်တယ်။ ယောက်ျားလေးတန်မယ့်နဲ့ မျက်နှာလေးကလည်း ရှင်းလိုက်တာ။ နှုတ်ခမ်းမွှေး၊ မှုတ်ဆိတ်မွှေးနေရာတွေကလည်း စိမ်းနေတယ်။ ဂူဂျွန်ဖြိုးတို့၊ ရိန်းတို့ ချောတယ်ဆိုတာ ကျွန်မ လက်မခံချင်တော့ဘူး။ ဘာလို့လဲဆိုတော့ “မောင်” လို့ ကျွန်မတိတ်တခိုးနာမည်ပေးထားတဲ့ မင်းသားလေးက ကျွန်မရင်ထဲမှာ နောက်တစ်ယောက်ကို ချောတယ်လို့ ပြောချင်စိတ်မရှိအောင် လွှမ်းမိုးနိုင်ခဲ့ပြီလေ။
စာမျက်နှာ (၂)
          မောင်ကလေ စာလည်းတော်တယ်။ ကျွန်မတို့အခန်းမှာ စာတော်တဲ့လူတွေထဲမှာက မောင်ကအတော်ဆုံးပဲလို့ ကျွန်မထင်တယ်။ ဟုတ်တယ်လို့ထောက်ခံကြတဲ့ လူတွေလည်း အများကြီးပါပဲ။ မောင်ဒီနေ့ အင်္ကျီအဖြူ လက်ရှည်လေးနဲ့ ကျက်သရေရှိလိုက်တာ။ မောင်ရယ်.. ပိုင်ဆိုင်ချင်ပြီ။ မိန်းကလေးက စရမှာလားကွယ်။
စာမျက်နှာ (၃)
          ဒီနေ့… အခန်းထဲက ကောင်မလေးတွေ စကားဝိုင်းထဲမှာ မောင်က မင်းသားတစ်ယောက်ပဲ။ ကျွန်မ မနာလိုဘူးမောင်ရယ်။ မောင့်မှာ ပိုင်ရှင်မရှိသေးတော့ ၀ိုင်းပြီးမျှော်လင့်ကြတာကလည်း အပြစ်မဟုတ်ပေမယ့် မောင့်ရဲ့ ပိုင်ရှင်က ကျွန်မ မဖြစ်မှာကို စိုးရိမ်မိတယ်မောင်ရယ်။ သူတို့လည်း ဒီလိုပဲ ဖြစ်နေမယ်ဆိုတာကို မြွေမြွေချင်း ခြေမြင်တာပေါ့။ ဒီနေ့ မောင့်ကို ကျွန်မက အရင်ပြုံးပြလိုက်တယ်။ မောင်မျက်နှာလွှဲသွားတယ်။ နေနိုင်လိုက်တာများ.. မုန်းစရာ။ ဟွန်း…။
စာမျက်နှာ (၄)
          မောင့်စားပွဲခုံထဲမှာ ပို့စကတ်တစ်စောင်တွေ့တယ်တဲ့။ စိတ်တိုလိုက်တာမှ အရမ်းပဲ။ မောင့်ဘေးမှာ ကျွန်မ မရှိလို့ မောင်ဒီလိုအဖြစ်မျိုးနဲ့ ကြုံရတာ။ တော်ပြီ။ မောင့်အပြောကို မစောင့်တော့ဘူး။ မိန်းကလေးက စပြောရင် ဈေးကျမယ်မှန်းသိရက်နဲ့ ကျွန်မတော့ ဒီမီးထဲစွတ်တိုးချင်လှပြီ။ နက်ဖြန်တော့ ဒီအစီအစဉ်ကို အကောင်အထည်ဖော်တော့မယ်။ တွေ့ချင်လှပြီမောင်ရယ်။
စာမျက်နှာ (၅)
          ဒီနေ့ ကျွန်မ အလှဆုံးဝတ်စားထားပြီး မောင် လာနေကြလမ်းထိပ်မှာ စောင့်နေမိတယ်။ ကျောင်းတက်ချိန်ကလည်း နီးနေပြီ။ မောင်က ရောက်မလာသေးဘူး။ မောင် နေများ မကောင်းဘူးလားကွယ်။ ၉ နာရီထိုး ကျောင်းတက်မှာကို ၈ နာရီခွဲတဲ့အထိ မောင်ထွက်မလာသေးဘူး။ မိန်းကလေးတစ်ယောက်တည်း ရပ်စောင့်နေရတာကို ကောင်လေးတွေကလည်း ကွက်ကြည့် ကွက်ကြည့်နဲ့။ နေပါစေ… ကျွန်မအလှကို သူတို့မြင်ဖို့မလိုဘူး။ မောင်အသိအမှတ်ပြုရင်တော်ပါပြီ။ ၈ နာရီ ၄၅ မိနစ်။ ဟော.. မောင်လာပြီ။ ဒီနေ့တော့ မောင် တစ်ခုခုကို လောနေသလိုမျိုး။ မောင့်ကို တွေ့ကတည်းက ကျွန်မ ရင်တွေခုန်လိုက်တာ။ မောင်မမြင်နိုင်သေးမှန်းသိရက်နဲ့ ကျွန်မ အဝေးကနေ ပြုံးပြနေမိတယ်။ မောင်အနားကို ရောက်လာပြီ။ မောင်… မောင်.. မောင် မမြင်ဘူး။ ကျော်သွားတော်မယ်။ ကျွန်မ သိက္ခာတွေ ခ၀ါချ အရဲစွန့်ပြီး မောင့်ကို လှမ်းခေါ်လိုက်တယ်။
          “ဟိတ်”
          မောင်မကြားသေးဘူး။ တစ်ခုခု အရေးကြီးနေတဲ့ပုံ။ နာရီကိုပဲ ငုံ့ကြည့်နေတယ်။ ကျွန်မ ထပ်ခေါ်လိုက်တယ်။
          “ဟိတ် မောင်လို့ဆို”
          မောင်ကြားပြီး လှည့်ကြည့်လာပြီ။ ကျွန်မ အလှဆုံးမောင့်ကို ပြုံးပြနေမိတယ်။
          “ဟိတ် စောင့်နေတာကြာပြီ ဘာလို့နောက်ကျနေတာလဲ ပြော”
          ကျွန်မနည်းနည်းချွဲပြီးပြောပြီးမှ သိလိုက်တယ်။ မောင်နဲ့ ကျွန်မဘာမှ မဆိုင်သေးဘူးလေ။ အဲ.. အဲဒါကို မောင်လေ ကျွန်မကို တစ်ခွန်းတည်းပြောပြီး ထွက်သွားတယ်။ ရက်စက်လိုက်တာ မောင်ရယ်။ ကျွန်မကို အဲဒီလို ရက်ရက်စက်စက်ပြောလိမ့်မယ်လို့ လုံးဝမထင်ထားဘူး။ ကျွန်မရဲ့ ရင်ထဲက မေတ္တာတရားတွေကို မောင်ဒီလို စကားတစ်ခွန်းနဲ့ ရက်ရက်စက်စက်နင်းခြေလိုက်တာပဲ။ မောင်ပြောသွားတာကိုလည်း ကြည့်ဦး။
          “တောက်… ကျောင်းနောက်ကျနေရတဲ့အထဲ ဒီအခြောက်မက တစ်မျိုး” တဲ့။
          ကဲ… ကြည့်တော့… သူငယ်ချင်းတို့။ ရင်နာဖွယ် ဇာတ်လမ်းတစ်ပုဒ်မဟုတ်ပါလား။ ဒီဇာတ်လမ်းကို ကျွန်မလို့ ဆိုထားတဲ့ ကောင်မလေးရဲ့ ဒိုင်ယာရီထဲမှ ရတယ်ဆိုတာရယ်. အဲဒီ ကျွန်မ ဆိုတာက ပြည့်ဖြိုးအောင်ဆိုတာရယ်ကို ဇာတ်လမ်းထဲက ကောင်မလေးကို သနားလို့ ကျွန်တော်လုံးဝထုတ်ဖော် ပြောပြမှာမဟုတ်တော့ပါဘူး။ ဒါကြောင့် သူငယ်ချင်းတို့လည်း အဲဒါဘယ်သူလဲလို့ လုံးဝမမေးကြပါနဲ့လားဗျာ။နော်.........